網紅的藏寶箱呢一個唔係廣告嚟，我真心誠意向正被頭皮問題困擾嘅老百姓開心share，係神蹟呀請你地快啲埋嚟睇！
冠瑤係長期受頭皮問題折磨嘅被選中嘅細路，頭皮問題去到脂漏性皮屑炎咁嚴重影響我生活，有5年時間一洗完頭就會有啲紅色點點出晒喺頭皮，乾咗之後啲頭皮好似銀火龍嘅鱗片咁一塊一塊痂結喺頭皮髮際線處係滿佈頭皮屑，個頭好油好笠啲頭皮係一大塊一大塊，搣落嚟仲會流血/黃色嘅膿，換季時尤其嚴重，一撥頭髮就會Elsa上身let it go~let it go咁雪花紛飛，仲要係撥極都仲有勁多雪花可以無限狂出冰屬性魔法MP消耗0。
為咗醫好啲頭皮，我用咗幾千蚊睇西醫中醫皮膚科又食藥又用藥膏又用藥用洗頭水—冇用！用咗幾千蚊買咗頭皮護理嘅treatment—冇用！用生薑煲做水用嚟洗頭再醃住瞓—冇用！用各種坊間自稱去頭皮嘅洗頭水—冇用！5年都醫唔好其實我已經萬念俱灰，甚至諗住從此去迪迪尼見工扮Elsa做人體飄雪表演者，Let it go~Let it go~
點知一年前我喺連登見到有人出post問頭皮問題點算，樓下有人post咗支洗頭水嘅相，我就買咗返嚟試用，我試用咗只係短短兩日，係兩日咋！即刻唔見晒所有頭皮！All Gone！痴L線！呢支根本唔係Shampoo，我懷疑係魔法學校霍格華滋嘅出品！It’s magic！咁容易就好返咁我咁多年課咗咁多金比啲中醫西醫同做頭髮treatment係為咗咩？我年年月月晚晚朝朝密密洗頭同戴帽係為咗咩呀？答我呀！我開始懷疑人生，我好好奇到底邊個發明呢支咁好用嘅去頭皮洗頭水，唔該頒個諾貝爾獎比佢！即刻！唔該！
係呀講正題啦如果你有同我類似嘅頭皮發炎問題，請立即買支 Davines Natural Tech Purifying Shampoo去頭屑洗髮露（包裝有個太陽係雪山上係希望呀，擠出嚟係南瓜咁嘅色好趣緻）我用咗兩次就冇晒啲頭皮，跟住keep住用咗一年都冇返發（我兩日洗一次頭），半年前介紹過比啲有一樣症狀都係頭皮一塊塊嘅fd試用，啱啱打去問佢話已經完全好返晒冇晒頭皮，所以喺度誠心推介比廣大嘅民眾！快啲試用！希望可以幫到你地解決頭皮屑嘅煩惱！當買個機會比自己重拾靚靚頭皮！再見7頭皮！Oh yeah！（真心唔是廣告）
Search